Ingvild Eikeland
Naprapat
56 51 15 00 #1
ingvild@vossaklinikken.no
Ingvild er autorisert naprapat. Ho var ferdig utdanna ved Naprapathøgskolan i Stockholm i 1999. Dei fyrste åra jobba ho i Bergen og Eikelandsosen.
Ho var med å bygge opp tre Ryggklinikken-avdelingar i Bergen.
Ingvild dreiv aktivt med skiskyting i ungdommen, og fekk jobb på det medisinske teamet til landslaget i skiskyting(damer og herrer) i 1999. Ho jobba med dei ut sesongen 2003, og høydepunktet var å få vera med i støtteapparatet til Norge til OL i Salt Lake City i 2002.
Ho jobba også parallelt med landslaget i freestyle(damer og herrer) frå 2000 til 2007-sesongen. Ingvild har teke idrettsmedisink utdanning trinn 1 og 2. Ho har også kursa seg i medisinsk akupunktur, dryneedeling og kinesiotape.
Ingvild har jobba som naprapat på Voss sidan 2006. Ho starta Aktiv terapi i lag med Gunn Marit Bergstrøm i 2007, og starta i desember 2016 Vossaklinikken i lag med fysioterapeutene Nick S. Gregersen og Karianne M. Seim.
Ho er i dag innehavar av Vossaklinikken i lag med Ingjerd Opheim
Ingjerd Opheim
Fysioterapeut
56 51 15 00 #2
ingjerd@vossaklinikken.no
Ingjerd er autorisert fysioterapeut og er utdanna ved Høgskulen i Bergen, uteksaminert i 2013. Ho har tidlegare arbeidd ved nevrologisk avdeling på Haukeland Universitetssjukehus og i Bergen kommune. Våren 2021 fullførde ho ei mastergrad i fysioterapi, med fordjupning i skadar og sjukdommar knytt til muskelskjelettsystemet. I masterforløpet tok ho også fordjupningsfag i smerte. Ingjerd er medlem av Norsk Fysioterapeutforbund og fagpolitisk engasjert ved at ho i 6 år var styremedlem i Faggruppen for Nevrologi, Ortopedi og Revmatologi. Ho har erfaring med behandling av nevrologiske lidingar, smerteproblematikk, plager knytta til stress, muskel-og skjelettplager, kvinnehelse og rehabilitering etter operasjonar. Ho har godkjent kurs i intramuskulær triggerpunktbehandling med nåler (IMS). Ingjerd er opptatt av ein aktiv og heilskapleg tilnærming med spesielt fokus på trening og øvelsar, men nyttar også manuelle teknikkar på benk.
.jpg?etag=%22ee218-6499706d%22&sourceContentType=image%2Fjpeg&ignoreAspectRatio&resize=160%2B213&quality=85 "Samuel")
Hilde Fenne
Fysioterapeut
56 51 15 00 #3
hilde@vossaklinikken.no
Hilde er autorisert fysioterapeut, utdanna ved Høgskulen på Vestlandet i 2022, og fullførte turnustjeneste i 2023. Ho har erfaring frå arbeid i Voss herad, og friskliv og meistring. Ho har blant anna instruktørkurs innan kvardagsglede, depresjonsmeistring og belastningsmeistring.
I tillegg til å jobbe på Vossaklinikken jobbar Hilde som fysioterapeut på idrettslinja på Voss Gymnas, og som fysioterapeut for junior- og rekruttlandslaget i skiskyting.
Ho har derfor erfaring med aktive pasientar, skadar og belastningsproblematikk, og arbeider både med forebygging og behandling av muskel- og skjelettplager.
Me tilbyr fysioterapi og naprapati sentralt på Voss. På klinikken behandlar våre erfarne terapeuter muskel- og skjelettplager, og me tilbyr opptrening etter operasjon og idrettsskader.
